2014 jyl sońǵy ǵasyrlardaǵy eń ystyq jyl boldy
ASTANA. QazAqparat - Klımattyq baqylaýlar tarıhynda ótken jyl eń ystyq jyl boldy. Bul týraly AQSh-tyń Ulttyq muhıttar men atmosferalardy zertteý basqarmasy men Ulttyq aeronavtıka jáne ǵarysh keńistigin zertteý basqarmasy jarııa etti, dep jazady Rosbalt.
Osy baqylaýlar qolǵa alynǵan 1880 jyldan beri Jer betindegi ortasha temperatýra Tselsıı boıynsha shamamen 0,8 gradýsqa kóterilgen. 2014 jyl ishindegi ortasha temperatýra Tselsıı boıynsha 14,48 gradýsty qurady, bul HH ǵasyr ishindegi ortasha kórsetkishten 0,69 gradýsqa kóbirek. Osylaısha, jyl ishindegi aýa temperatýrasynyń ortasha kórsetkishi sońǵy on jyl ishinde osymen úshinshi ret rekordtyq deńgeıge jetip otyr. Budan buryn eń joǵarǵy temperatýralar 2005 jáne 2010 jyldary baıqalǵan edi.
