2014 jyl elimiz ben Elordamyz úshin qarymdy da qaryshty, jotaly da tabysty jyl bolǵaı - Astana ákimi I. Tasmaǵambetov
ASTANA. 1 qańtar. QazAqparat - Astana qalasynyń ákimi Imanǵalı Tasmaǵambetov elorda turǵyndary men qala qonaqtaryn Jańa 2014 jylmen quttyqtady.
*** Sizderdi Jańa 2014 jyl merekesimen shyn júrekten quttyqtaımyn!
Jańa jyl - qaı halyqtyń da zor qýanyshpen asyǵa kútetin mereıli merekesi. Jańa jylda ár adamnyń ómirinde jańa kezeń bastalady.
Ótken 2013 jyl - jetistikteri mol, tabysy zor jyl boldy. Egemen elimiz táýelsizdiktiń 22 jylyn asqaraly abyroı, bıik bedelmen eńserip, jarqyn bolashaqqa senimdi qadam basty.
Bıylǵy Jańa jyl - shyǵys dástúrinde tynyshtyq pen yrys-quttyń belgisi sanalatyn - Jylqy jyly. Olaı bolsa, 2014 jyl elimiz ben Elordamyz úshin qarymdy da qaryshty, jotaly da tabysty jyl bolǵaı!
Denderińizge saýlyq, shańyraqtaryńyzǵa shattyq, baq pen bereke tileımin!
Astana qalasynyń Ákimi Imanǵalı Tasmaǵambetov
