2014-2020 jyldarǵa arnalǵan EO-nyń jańa kólik strategııasy Shyǵys pen Batysty qosýy tıis
BRıÝSSELЬ. 17 qazan. QazAqparat - Búgin Brıýsselde Eýroodaq 2014-2020 jyldarǵa arnalǵan qoǵamdastyqtyń jańa ınfraqurylymdyq strategııasyn usyndy, onyń maqsaty - Shyǵysty Batyspen jalǵastyrý bolmaq. Bul týraly baspasóz máslıhatynda kólik jónindegi eýrokomıssar Sıım Kallas málim etti.
«Kólik eýropalyq ekonomıka úshin ómirlik mańyzdy. EO-nyń bul jańa ınfraqurylymdyq strategııasy EO-nyń 28 múshe-memleketteriniń eýropalyq kólik jelisin biriktirip, ekonomıkalyq ósimge jáne básekege qabilettilikti arttyrýǵa jol ashady. Ol Shyǵysty Batyspen jalǵastyryp, qazirgi kólik jelisin aýystyrady», - dedi S.Kallas.
EO-nyń jańa ınfraqurylymdyq saıasatynyń negizi EO-nyń ulttyq kólik júıesin Transeýropalyq kólik jelisine ózgertý bolmaq. Bul jeli toǵyz negizgi kólik dálizderinen turady: Baltıka-Adrıatıka, Soltústik teńiz- Baltıka, Jerortateńizdik dáliz, Ortashyǵystyq dáliz, Skandınavııa-Jerorta teńizi, Reın-Alpi, Atlantıkalyq dáliz, Soltústik teńiz-Jerorta teńizi, Reın-Dýnaı. EO-nyń shyǵystyq jáne batystyq bólikterin qosatyn kólik dálizderi basymdyqty qarjylandyrýǵa ıe bolady.
Jobany 2030 jylǵa qaraı aıaqtaý josparlanýda. Ony júzege asyrýdyń bastapqy kezeńin (2020 jylǵa deıin) qarjylandyrýǵa 26 mıllıard eýro bólinedi.
