2014-2016 jyldary jylý ónimdiligi 100 Gkal/saǵatty quraıtyn 892 qazandyqqa keshendi tekserý júrgiziledi

ASTANA. 27 tamyz. QazAqparat - 2014-2016 jyldary jylý ónimdiligi 100 Gkal/saǵatty quraıtyn 892 qazandyqqa keshendi tekserý júrgiziledi. Bul týraly búgin Úkimet otyrysynda QR Óńirlik damý birinshi vıtse-mınıstri Qaıyrbek Óskenbaev málim etti.

«Qazaqstan halqyn jylý ónimdiligi 100 Gkal/saǵatqa deıingi 5646 qazandyq jylýmen qamtamasyz etedi. Qazirgi ýaqytta jylýmen jabdyqtaıtyn nysandardyń basym bóligi 1970-1980 jyldary kezeńinde paıdalanýǵa berilgen jáne olardyń paıdalaný merzimi ótip ketken», - dedi ol.

Onyń atap ótýinshe, osy máselelerdi sheshý úshin Turǵyn úı-kommýnaldyq sharýashylyǵyn jańǵyrtý baǵdarlamasy aıasynda ári energııa tıimdiligi jáne energııa únemdeýdi arttyrý máselelerine nazar aýdarý jónindegi Memleket basshysynyń Joldaýyn eskere otyryp, Óńirlik damý mınıstrligi birqatar jumystardy júzege asyrýda.

«Atap aıtqanda, 2014-2016 jyldar kezeńinde jylý ónimdiligi 100 Gkal/saǵatty quraıtyn 892 qazandyqqa keshendi tekserý josparlanyp otyr», - dedi Q. Óskenbaev.