2014-2016 jyldarǵa arnalǵan respýblıkalyq bıýdjet týraly zań qabyldandy - Parlament
Bıýdjetti qalyptastyrý áleýmettik-ekonomıkalyq damý boljamy jáne 2014-2018 jyldarǵa arnalǵan bıýdjettik parametrlerdiń bazalyq stsenarııi men álemdik kórsetkishterge negizdelgen. Atap aıtqanda, 2014-2018 jyldary álemdik ekonomıkanyń 2014 jylǵy 3,8%-dan 2018 jylǵy 4,3%-ǵa deıin baıaý, alaıda údemeli ósýin boljaıdy. Munaıdyń baǵasy, sońǵy bes jyldaǵy ortasha baǵany eskere otyryp baǵalaý boıynsha 90 AQSh dollary deńgeıinde belgilendi. Mys baǵalarynan basqa metall baǵalary eleýsiz ósedi dep boljanady.
Budan bólek, úsh jyldyq bıýdjettiń negizgi parametrleri boıynsha, ekonomıkanyń naqty ósimi 6-7 paıyz aralyǵynda boljanady. Atalǵan kezeńdegi jyldyq ınflıatsııa 6-8 paıyz dálizinde ustalady.
Jalpy, qabyldanǵan bıýdjetke sáıkes, 2014 jylǵy túsimder 2013 jylǵy bıýdjetke qaraǵanda 532 mlrd. 312 mln. teńgege ósip, 5 trln. 760 mlrd. 700 mln. teńgeni quraıdy. Al 2015 jyly - 6 trln. 229 mlrd. 600 mln, 2016 jyly 6 trln. 873 mlrd. 400 mln. teńgeni quraıtyn bolady. Shyǵystarǵa kelsek, 2014 jyly 6 trln. 703 mlrd. 100 mln. teńgeni quraıtyn bolady. Bul kórsetkish 2015 jyly - 7 trln. 207 mlrd. 200 mln. teńgeni, al 2016 jyly 7 trln. 836 mlrd. 900 mln. teńgeni quraıdy. Al bıýdjat tapshylyǵy 2014 jyly 942,4 mlrd. teńgeni nemese ІJÓ-ge 2,4 paıyzdy, al 2015 jyly 977,7 mlrd. teńgeni, 2016 jyly 963,5 mlrd. teńgeni quraıtyn bolady.
Qujatty talqylaý barysynda senatorlar óńirlik máselelerdi sheshý maqsatyndaǵy birqatar ózgerister men tolyqtyrýlar engizdi. Atap aıtqanda, bilim salasynda, onyń ishinde «Balapan» baǵdarlamasy boıynsha memlekettik tapsyrysty ornalastyrýǵa shyǵystar artady. Kólik salasynda Almaty qalasyndaǵy metropolıtenniń birinshi jelisiniń ekinshi kezegin salýǵa qarajat suralady. Budan basqa turǵyn úı kommýnaldyq sharýashylyqty jańǵyrtý baǵdarlamasy boıynsha úılerdi kúrdeli jóndeýden ótkizýge, asa mańyzdy toptyq jáne jergilikti sýmen jabdyqtaý júıelerinen aýyz sý berý boıynsha qyzmetter baǵasyn sýbsıdııalaýǵa qarjy qaralady. Nátıjesinde senatorlar usynǵan jobalardy iske asyrýǵa 2014 jyly - 51,3 mlrd. teńge, 2015 jyly - 12 mlrd. teńge, 2016 jyly 6,2 mlrd. teńge qosymsha qarajat bólinedi. Bul rette kórsetilgen qarajat 2014 jyly Úkimet rezervi kóleminen 18,3 mlrd. teńgege jáne úkimettik boryshqa qyzmet kórsetýge arnalǵan shyǵystardy 20 mlrd. teńgege azaıtý esebinen jáne basqa da kózderden qarastyrylady.
Májilis Senat usynǵan túzetýlerge kelisimin berdi. Endi qujat Memleket basshysynyń qol qoıýyna jiberiledi.