2014-2015 jyly Qazaqstan 8-9 mln. tonna astyq eksporttamaq

ASTANA. QazAqparat - 2014-2015 marketıng jylynda Qazaqstan 8-9 mln. tonna astyq eksporttaıdy. Bul týraly búgin QR AShM Agroónerkásip keshenindegi Memlekettik ınspektsııa komıtetiniń tóraǵasy Saqtash Qasenov aıtty.

«Aǵymdaǵy marketıng jylynda shamamen 8-9 mln. tonna astyq eksportqa shyǵarýǵa múmkindigimiz bar», - dedi ol.

Onyń sózine qaraǵanda, aǵymdaǵy jyly shamamen 17 mln. tonna astyq bastyrylady. Budan bólek elimizdiń astyq saqtaý qoımalarynda 4 mln. tonnadan astam ótken jyldan qalǵan dándi daqyl bar. Sonymen qatar, S.Qasenov elimizdiń Ázerbaıjan, Túrkııa, Iran jáne Ortalyq Azııa elderine turaqty astyq eksporttaıtyndyǵyn basa aıtty.

«Budan bólek Qytaımen astyq jetkizý kólemin arttyrý jónindegi ýaǵdalastyǵymyz bar jáne Qytaı arqyly Ońtústik-Shyǵys Azııa elderinde de astyq eksportyn arttyra alamyz»,- dedi komıtet tóraǵasy.