2014-2015 jyldary QR Ulttyq banktiń ınterventsııalar kólemi 39,7 mlrd dollarǵa jetti
ASTANA. QazAqparat - 2014-2015 jyldary Qazaqstan Ulttyq bankiniń eldegi valıýtalyq naryqtaǵy ınterventsııalarynyń kólemi 39,7 mlrd dollardy qurady, dep habarlady Ulttyq bank basshysy Danııar Aqyshev reseılik «Vedomostı» gazetine bergen suhbatynda.
«Jalpy alǵanda, Ulttyq bank ınterventsııalarynyń kólemi (valıýta naryǵynda valıýtany satý túrinde - QazAqparat) 2014 jyly 22 mlrd dollardy qurady. 2015 jyly biz taǵy 17,7 mlrd dollardy sattyq», - dedi D.Aqyshev.
Onyń aıtýynsha, aıyrbas baǵamyn naryq anyqtaıdy.
«Eger kásiporyndar men turǵyndar tarapynan tek sheteldik valıýtaǵa degen suranys bolyp, jalǵyz satýshy - Ulttyq bank bolsa, bul saıasattyń bolashaǵy joq. Onyń sońǵy núktesi - altyn-valıýtalyq qorlardy taýysý. Qubylmaly baǵamǵa ótý sheshimi aıaqasty bolǵan joq. Úlken daıyndyq jumystary, memlekettik organdarda keńinen talqylaý júrgizilgen», - dep atap ótti QR Ulttyq bankiniń basshysy.
