2014-2015 marketıng jylynda Qazaqstan 7 mln. tonna astyq eksporttaıdy
ASTANA. QazAqparat - 2014-2015 marketıng jylynda Qazaqstan 7 mln. tonna astyq eksporttaıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Aýyl sharýashylyǵy mınıstrligi Agroónerkásip keshenindegi memlekettik ınspektsııa komıtetiniń tóraǵasy Saqtash Qasenov málim etti.
Onyń sózine qaraǵanda, Qazaqstanda halyqtyń tutynýyna jáne mal azyǵyna 6 mln. tonna astyq qajet.
«Mine, osyny jáne ótken jyldan qalǵan bıdaıdy eskersek, keminde 7 mln. tonna astyqty eksportqa shyǵarýǵa áleýetimiz jetkilikti»,- dedi komıtet tóraǵasy.
S.Qasenovtiń atap ótýinshe, elimizdegi elevatorlar astyqty keptirý jumystaryn bastap ketken. Sondyqtan da mınıstrlik olarǵa qosymsha janarmaı bólý máselesin de qarastyryp otyr.
