2013 jyly jer salyǵy kóterilmeıdi - AShM

ASTANA. 26 qyrkúıek. QazAqparat - Biz jerdiń jalpy salyǵyn kótermeımiz. Basty maqsat - tıimsiz paıdalanylatyn jerler úshin salyq kólemin arttyrý.

Bul týraly búgin Astanada ótken «Qazaqstan fermerleri odaǵy» RQB Ortalyq keńesiniń májilisinde QR Aýyl sharýashylyǵy mınıstrliginiń jaýapty hatshysy Evgenıı Oman málim etti.

«Ol úshin biz birqatar tetikterdi ázirleýimiz qajet. Ashyǵyn aıtaıyn, qazirgi kezde birneshe úlgi bar. Biraq ol boıynsha naqty sheshim shyǵarylmaǵan. Negizgi tetikterge sáıkes, bos jatqan jerlerdi ustaý tıimsiz bolady. Sebebi ol jerge salynatyn salyqtyń kólemi kóteriledi. Al ıgerilgen jerlerdiń salyǵy memlekettik sýbsıdııalar esebinen óteledi», - deıdi E.Oman.

Mınıstrliktiń jaýapty hatshysy atap kórsetkendeı, bul másele áli talaı ret qaralatyn bolady. Sondyqtan aldaǵy jyly da aýyl sharýashylyǵy ónim óndirýshileri úshin jer salyǵy kóterilmeıdi.