2013 jyly úsh kolledj «Kásipqor» holdınginiń seriktestik jelisine enedi
ASTANA. 29 jeltoqsan. QazAqparat - Qazaqstanda kásibı-tehnıkalyq bilim berýdi (KTB) uıymdastyrýdyń halyqaralyq tájirıbesin taratý maqsatynda úsh óńirlik memlekettik kolledj «Kásipqor» holdınginiń seriktesi bolady,
dep habarlady QR Premer-Mınıstriniń resmı saıty holdıng basshysy Aıan Manasovaǵa silteme jasap.
«Bizdiń holdıng, álemdik deńgeıdegi kolledjder qurýdan ózge, halyqaralyq tájirıbeni óńirlik basqa KBO-na taratýmen de aınalysady. Kelesi jyly biz Bilim mınıstrligimen jáne ákimdiktermen birlesip bizdiń seriktesimiz bolyp, ınstıtýtsıonaldy túrde damıtyn úsh kolledjdi anyqtaımyz», - dedi A.Manasova.
Ol kásibı tehnıkalyq bilim berý mekemeleri jelisin qurý maqsatynda Astana jáne Almaty qalalarynda 2014 jyly paıdalanýǵa beriletin álemdik deńgeıdegi kolledjder salynyp jatqanyn habarlady. Kolledjderdiń jumys isteý negizi retinde kópsalaly mektepterdiń júıesi alynatyn bolady.
Osylaısha, jańa kolledjderde ınjınırıng, sáýlet jáne TKSh, aqparattyq jáne kommýnıkatsııalyq tehnologııa, dızaın jáne jobalaý, energetıka, týrızm jáne qonaı úı bıznesiniń jeke mektepteri, pánaralyq mektepter, sondaı-aq ınnovatsııa ortalyqtary men bıznes-mektepter bolady.
Búgingi kúni Ataraý qalasyndaǵy munaı-gaz salasy mamandaryn daıarlaý jónindegi Óńiraralyq trenıgtik ortalyq iske qosylyp, stýdentter qabyldaýda.
«Birinshi kezeńniń ózinde 180 izdenýshi testileýden ótti, olar fızıka, hımııa, matematıka jáne aǵylshyn tili sııaqty bazalyq testileýden ótip kelgender. Test qorytyndylary ortalyqtyń strategııalyq seriktesi ári munaı-gaz salasy boıynsha bilim berýdiń álemdik kóshbasshysy bolyp tabylatyn SAIT Polytechnic-ǵy bizdiń seriktestermizge tekserýge jiberildi», - dep habarlady Aıana Manasova.
«Kásipqor» holdıngi Qazaqstan Respýblıkasy Úkimetiniń qaýlysymen, álemdik deńgeıdegi kolledjder jelisin qurý jáne damytý, eńbek naryǵynyń tehnıkalyq mamandyqtar boıynsha joǵary bilikti mamandarǵa degen suranysyn qanaǵattandyrý maqsatynda, básekege qabiletti joǵary synypty kásipqorlardy daıarlaý úshin jáne eldiń ınnovatsııalyq damýy úshin qurylǵan.
«Kásipqor» jelisine Astana, Almaty, Aqtóbe jáne Shymkent qalalarynyń 4 kolledji, Atyraý, Óskemen, Ekibastuz jáne Shymkent qalalarynyń 4 óńiraralyq ortalyqtary, sondaı-aq tehnıkalyq jáne kásibı bilim berýdiń memlekettik uıymdary qatarynan 9 seriktestik kolledj kiredi dep josparlanýda.
