2013 jyly Ýkraına EQYU-ǵa tóraǵalyq etý kezinde Qazaqstannyń bastamasyn jalǵastyrýǵa nıetti
STANA. Sáýirdiń 7-si. QazAqparat /Rýslan Ǵabbasov/ - 2013 jyly Ýkraına EQYU-ǵa tóraǵalyq etý kezinde Qazaqstannyń bastamasyn jalǵastyrýǵa nıetti. Bul týraly búgin Aqordada keńeıtilgen quramdaǵy kelissózden keıingi baspasóz máslıhatynda Ýkraına prezıdenti V.ıAnýkovıch málim etti,
dep habarlaıdy QazAqparat.
Halyqaralyq saıasat salasynda ózara túsinistik máselesine toqtalǵan Ýkraına basshysy «Astanada EQYU memleket basshylary sammıtin ótkizý bastamańyzdy biz qoldaımyz. Onyń daıyndyq barysyna qatysýǵa daıynbyz», dedi N.Nazarbaevqa qarata aıtqan sózinde.
«2013 jyly Ýkraına EQYU-ǵa tóraǵalyq etýin eskersek, bul Qazaqstan estafetasyn , sondaı-aq sizdiń bastamańyzdy jalǵastyrýǵa Ýkraına úshin jaqsy múmkindik bolmaq», dedi Ýkraına basshysy.
Osy turǵyda ol EQYU aıasynda eýropalyq qaýipsizdik máselelrin qarastyrýdy óte jaqsy dıalog alańy ekendigin jetkizdi. Sonymen qatar V.ıAnýkovıch TMD aıasynda yntymaqtastyqty damytýǵa Ýkraına zor úmit artatynyn atap ótti.
