2013 jyly tehnıkalyq baıqaý ortalyqtaryna qoıylatyn talaptar kúsheıtiledi
ASTANA. 4 qazan. QazAqparat - 2013 jyly tehnıkalyq baıqaý ortalyqtary jańa standarttar boıynsha jumys jasaıdy.
Bul týraly búgin Astanada «Jol-kólik qozǵalysynyń qaýipsizdigi týraly» zań jobasyna usynystar engizýge arnalǵan dóńgelek ústelde QR Kólik jáne kommýnıkatsııa vıtse-mınıstri Qaırat Ábsattarov málim etti.
«Bizde búgingi kúni 550 tehbaıqaý jelisi men 258 ortalyq bar. Olardyń 94-i tıisti standarttarǵa jaýap beredi. Degenmen el ishi tehnıkalyq baıqaý qyzmetimen tolyq qamtylǵannan keıin, olarǵa qatysty talaptardy kúsheıtip, jańa standarttardy engizetin bolamyz. Standarttyń jobasy qazirgi ýaqytta jasaldy jáne bir aıdyń kóleminde Úkimet Qaýlysy arqyly bekitýdi josparlap otyrmyz. Al tehnıkalyq baıqaýdy atalmysh jańa standarttar boıynsha ótkizý 2013 jyldan bastap engiziledi», - dep atap ótti Q. Ábsattarov.
«Osyǵan baılanysty tehnıkalyq baıqaý ortalyqtarynyń jaýapkershiligin aıqyndaýdy usynamyz. Eń bastysy, ortalyqtardyń mindetterin jazyp, olardyń jaýapkershiligin naqty belgileý qajet. Qazirgi ýaqytta mundaı jaýapkershilik esh jerde naqty kórsetilmegen. Bul máseleni QR ІІM-men birlese otyryp, «Jol-kólik qozǵalysynyń qaýipsizdigi týraly» zań jobasyna engizý jumysyn pysyqtaǵymyz keledi», - dep túıindedi sózin vıtse-mınıstr.
Onyń aıtýynsha, bıyl tehnıkalyq baıqaýdan ótýge tıis kólikterdiń 36 paıyzy osyndaı ortalyqtarmen qamtylǵan.
