2013 jyly monopolısterdiń óndiristerin jańǵyrtýǵa 230 mlrd. teńge ınvestıtsııa bólindi

Bul týraly búgin QR Tabıǵı monopolııalardy retteý agenttiginiń jaýapty hatshysy Rýstam Ahmetov málim etti.

«2012 jyly osy salaǵa 208,8 mlrd. teńge bólingen bolatyn. Bul aldyńǵy jylmen salystyrǵanda 46 paıyzǵa kóp. 2013 jyly bul ınvestıtsııalardyń kólemi 230 mlrd. teńge shamasynda», - dedi R.Ahmetov.

Onyń aıtýynsha, ınvestıtsııalyq baǵdarlamalardyń tıimdiligi birneshe ındıkatorlar arqyly baqylanyp otyrylady. «Bul jabdyqtardyń tozýyn, normatıvtik shyǵyndardy azaıtý, jumsalatyn otyn men energııanyń kólemin tómendetý. Bekitilgen ındıkatorlarǵa jetken kezde ǵana ınvestıtsııalyq baǵdarlama sátti oryndaldy dep aıta alamyz», - dedi ol.

Jaýapty hatshy atap ótkenindeı, ınvestıtsııalyq baǵdarlamanyń jemisti oryndalýynyń bir mysaly «Astana Sý arnasy» memlekettik kommýnaldyq kásiporny bola alady. Atalmysh kásiporynda ınvestıtsııalyq baǵdarlama aıasynda eski qondyrǵylar zamanaýı tehnologııamen almastyryldy. Sonyń negizinde qazirgi ýaqytta tehnıkalyq shyǵyndar jyl saıyn azaıyp keledi. Negizgi quraldardyń tozýy 60 paıyzdan 54 paıyzǵa tómendedi, al apattyq oqıǵalar 30 paıyzǵa kemigen.

Aıta keteıik, 2010 jyly bastalǵan ınvestıtsııalyq baǵdarlama asıaynda «Astana Sý arnasy» óz aktıvterin jańǵyrtý maqsatynda 3 mlrd. 200 mln. teńge ınvestıtsııa aldy. Qarajat esebinen 66,5 shaqyrym sý qubyry men 22 shaqyrym káriz júıesi jańasyna aýystyryldy.