2013 jyly qajylyqqa kelýshiler sany 34 paıyzǵa qysqardy
«Qazirgi sátte biz ártúrli elderden 900-ge tarta reısti qabyldadyq, olarmen 190 myń jamaǵat keldi», dep habarlady Jıdda áýejaıynyń basshysy Abdýl Hamıt Ál-Aba Arı jergilikti «Sabk» basylymyna bergen suhbatynda.
Atalǵan tsıfrlar bıylǵy jyly qajylyqqa kelýshiler sany 2012 jylmen salystyrǵanda 34 paıyzǵa azaıǵanyn bildiredi. «Biz áýe qaqpasy arqyly qajylyq saparymen kelýshiler sany bir mıllıon adamnan asady dep kútýdemiz», - dep qosty Abdýl Ál-Aba Arı.
Mekkedegi meshitter keshenindegi iri qurylys jumystary Saýd Arabııasy ókimet oryndaryn 2013 jyly qajylyqqa kelýshilerge kvotany qysqartýǵa májbúrledi. Álem musylmandaryna qajylyqqa kvota berý 1987 jyly Koroldiktiń Islam Yntymaqtastyq Uıymynyń barlyq múshe-elderimen tıisti kelisimi jasalǵannan keıin engizildi. Qajyǵa kelýshilerge lımıt esebi IYU-nyń árbir eline 0,1 paıyzǵa deıingi qajylyq saparyn qarastyrady.
Birneshe elder Saýd Arabııasy Koroldigine kvotany kóbeıtýge ótinish jasady, alaıda Er-Rııad Mekkedegi qurylys jumystary kıeli qalaǵa zııarat etýge jınalǵan úsh mıllıonnan astam adamdy ornalastyrýǵa múmkindik bermeıtinin málimdedi. Sonymen birge Qaǵba aınalasyndaǵy aýmaq buryn saǵatyna 80 myń adamdy ótkize alatyn bolsa, bıylǵy jyly ol 40 adamdy ǵana ótkize alady.
Saýd Arabııasy musylmandardyń qajylyqqa saıası, ıdeologııalyq nemese sektanttyq ýaǵyz maqsatynda jınalýyna jol berilmeıtinin birneshe ret eskertken bolatyn. Bıylǵy jyly Taıaý Shyǵystyń birqatar elindegi kúrdeli jaǵdaı ýshyǵa túsýde: Sırııadaǵy janjal shıelenisýde, Egıpettegi jáne Soltústik Afrıkanyń basqa de elderindegi jaǵdaı turaqsyz bolyp tur. Sondyqtan da Saýd Arabııasy bıligi konfessııaaralyq janjaldy kózdegen kez kelgen árekettiiń jolyn qatań túrde kesýge nıetti.
Bıylǵy jyly Koroldik bıligi MERS koronavırýs indeti taralýyna baılanysty eldegi sanıtarlyq-epıdemıologııalyq jaǵdaıǵa da alańdaýly.
Qajylyq musylmandyqtyń ıman keltirý, namaz oqý, oraza ustaý, zeket berý sııaqty qasıetti bes paryzynyń biri.