2013 jyly Qazaqstanǵa sheteldik jumys kúshin tartýǵa kvota belgilendi
ASTANA. 13 aqpan. QazAqparat - Qazaqstan Respýblıkasynyń Úkimeti el aýmaǵynda eńbek qyzmetin atqarý úshin jyl saıyn sheteldik jumysshylardy tartýǵa kvota belgileıdi. 2013 jyly atalǵan kvota respýblıkanyń ekonomıkalyq belsendi turǵyndaryna 1, 2 paıyzy kóleminde belgilendi, dep habarlady Astana qalasynyń resmı saıty Jumyspen qamtý jáne áleýmettik baǵdarlamalar basqarmasyna silteme jasap.
Ekonomıkalyq belsendi turǵyndar (nemese jumys kúshi) - bul óz eńbegin taýar óndirý men qyzmetke usynatyn jumysqa qabiletti halyq, - dep túsindiredi basqarmadan. Sońǵy málimetter boıynsha, Astananyń ekonomıkalyq belsendi turǵyndary 418,7 myń adamdy quraıdy.
Astana.kz saıtynda buǵan deıin habarlaǵanyndaı, 2012 jyly qala boıynsha sheteldik jumysshylardy tartý kvotasy 6 598 adamdy qurady. Olardyń 5489-yna ruqsat berilgen.
Eske salaıyq, Jumyspen qamtý jáne áleýmettik baǵdarlamalar basqarmasy kvota sheginde sheteldik jumysshylardy tartýǵa ruqsat beredi.
Sonymen qatar, ruqsat berý kezinde sheteldik jáne otandyq jumysshylardyń paıyzdyq úlesteri qatań saqtalýy qajet. Basshylyq qyzmetterge (1-2 sanattar) ol tıisinshe 70 %-ǵa 30 %-dy quraıdy. Al, 3-4 sanattaǵy qarapaıym jumysshylar men mamandar úshin - 90 %-ǵa 10 % paıyz kóleminde.
