2013 jyly qazaqstandyqtarǵa tegin beriletin dárilerdiń tizbesi bekitildi
ASTANA. 22 qańtar. QazAqparat - Qazaqstanda 2013 jyly tegin beriletin dári preparattarynyń jańartylǵan tizbesi bekitildi. Bul týraly Astana qalasynyń resmı saıty Densaýlyq saqtaý basqarmasyna silteme jasap habarlady.
2011 jylǵy 4 qarashadaǵy Qazaqstan Respýblıkasy Densaýlyq saqtaý mınıstriniń № 786 buıryǵymen bekitilgen ambýlatorııalyq deńgeıdegi tegin medıtsınalyq kepildendirilgen kólem aýqymynda halyqty qamtamasyz etý úshin tegin jáne jeńildetilgen dári jáne medıtsınalyq mańyzy bar zattardyń tizbesi bekitildi. Tizbe jyl saıyn tolyqtyrylady.
Ambýlatorııalyq kezeńde preparattar dárigerdiń qaǵazy boıynsha ambýlatorııalyq-emhanalyq mekeme ornalasqan jerde (emhana, otbasylyq-dárigerlik ambýlatorııa, taǵy basqalar) tizbe negizinde tegin júzege asyrylady. Dıspanserlik esepte turatyn emdelýshige emdeýshi dáriger tizbege sáıkes dári qaǵazyn jazyp beredi. Elektrondyq dári qaǵazy aılyq qajettilik kóleminde aıyna 1 ret jazyp beriledi.
«Preparattar «Gıppokrat MFK» JShS dárihanalary arqyly beriledi.
