2013 jyly Qazaqstanda eresekter arasynda bokstan Álem chempıonaty ótetin boldy
ASTANA. 12 sáýir. QazAqparat -«Qazaqstan boks federatsııasy» men Halyqaralyq boks qaýymdastyǵy (AIBA) 2013 jyly Qazaqstanda eresekter arasynda bokstan Álem chempıonatyn ótkizý týraly kelisimge qol qoıdy.
Atalǵan qujatty bekitý rásimine «Qazaqstan boks federatsııasynyń» prezıdenti Tımýr Qulybaev pen AIBA prezıdenti Chıng-Kýo Vý qatysty.
T. Qulybaev osy qujatqa qol qoıý ataýly oqıǵa ekenin aıta kele, «Meniń oıymsha, bokstan Álem chempıonatyn ótkizý arqyly elimizdiń boksshylaryna jáne kórermender qaýymyna álemniń túrli memleketterinen kelgen úzdik sportshylardyń ónerin tamashalaýǵa múmkindik jasaı alamyz», -dedi.
Onyń paıymdaýynsha, bul tartysty doda boksqa degen qyzyǵýshylyqty arttyryp, otandyq bokstyń damýyna eleýli úles qospaq.
Budan buryn habarlanǵandaı, 2013 jyly Astanada álem chempıonatyn ótkizý týraly sheshim 2011 jyly AIBA atqarýshy komıtetiniń otyrysynda qabyldanǵan edi.
