2013 jyly Qazaqstan, Qyrǵyzstan jáne basqa da elderde Shyńǵys Aıtmatovtyń 85 jyldyǵy atap ótiledi
BІShKEK. 14 naýryz. QazAqparat - Sársenbi kúni Qyrǵyzstanǵa qyrǵyzdyń kórnekti jazýshysy Shyńǵys Aıtmatovtyń 85 jyldyǵyna arnalǵan mádenı sharalardy ótkizý máselelerin talqylaý maqsatymen qazaqstandyq-reseılik delegatsııa keldi.
Delegatsııanyń quramynda QR Parlamenti Senatynyń depýtaty, «Ǵalymdardyń Eýrazııalyq ekonomıkalyq klýby» Qaýymdastyǵynyń teń tóraǵasy Serik Núgerbekov pen «Ǵalymdardyń Eýrazııalyq ekonomıkalyq klýby» Qaýymdastyǵy atqarýshy dırektsııasynyń tóraǵasy Murat Qarymsaqov bar.
QR Úkimeti apparatynyń aqparattyq saıasat bóliminen habarlaǵandaı, jaqyn ýaqytta qyrǵyz úkimetiniń Shyńǵys Aıtmatovtyń mereıtoıyn ótkizý týraly qaýlysy shyǵady. Alaıda, 2013 jyly mereıtoılyq sharalar tek Qyrǵyzstanda ǵana emes, Qazaqstan, Reseı, Túrkııa, Ázirbaıjan jáne basqa elderde de ótkiziledi.
