2013 jyly Qazaqstan ekonomıkasyna salynǵan ınvestıtsııanyń kólemi 598 mlrd. teńgege artqan
ASTANA. 20 qańtar. QazAqparat - 2013 jyly Qazaqstan ekonomıkasyna salynǵan ınvestıtsııanyń kólemi 598 mlrd. teńgege artyp, 6 trıllıon teńgege jetti, dep habarlaıdy Ranking.kz portaly.
Portal sarapshylarynyń málimetterine qaraǵanda, ósimdi negizinen kredıtorlar qamtamasyz etken. Investıtsııalardaǵy zaemdyq qarajattardyń úlesi 86 paıyzǵa (572 mıllıard teńge) artyp otyr.
Degenmen, ınvestıtsııalardyń kólemi keıbir óńirlerde tómendegenin kórsetýde. Almaty jáne Astana megapolıstarynda onyń deńgeıi 20 paıyzdan 17 paıyzǵa kemigen. Atyraý men Mańǵystaý oblystarynda 26-dan 24 paıyzǵa azaıǵan.
Investıtsııanyń kólemi ósken óńirlerdiń kósh basynda eldiń ońtústik oblystary alyp otyr. Máselen, Jambyl oblysynda 66 paıyzǵa (99 mlrd. teńgege), Qyzylorda oblysynda 46,5 paıyzǵa (118 mlrd. teńgege), Ońtústik Qazaqstanda 32 paıyzǵa (100 mlrd. teńgege) kóbeıgen.
