«2013 jyly qazaq ǵaryshkeri ǵaryshqa attana alatyn kezeń bolady deý qıyn» - respýblıkalyq basylymdarǵa sholý

ASTANA. 8 sáýir. QazAqparat - Qazaq aqparat agenttigi respýblıkalyq basylymdarda 8 sáýir, juma kúni shyqqan ózekti materıaldarǵa sholýdy usynady.

***

«Qazaq eli qýanysh qushaǵynda, Baqyt qusy sharyqta, ush aǵynda». Dál búgin bulaı shalqı sóıleıtin jónimiz bar. Mundaı kúndi qazaq «aq túıeniń qarny jarylǵan kún» deıdi. Búgin QR-nyń saılanǵan Prezıdenti N.Nazarbaevtyń qyzmetine resmı kirisýine oraı saltanatty Ulyqtaý rásimi ótkiziledi. Osy saltanatty shara qarsańynda, keshe elordada Elbasy «Qazaqstan» ortalyq kontsert zalynda bolyp, «Balalyq shaǵymnyń aspany» atty jańa kórkem fılmniń tusaýkeserine qatysty. Osyǵan oraı «Egemen Qazaqstan» gazetinde «Ónermen órilgen ómir» degen taqyryppen kólemdi maqala jaryq kórdi. «Fılmniń ón boıynda bala Sultannyń, bozbala Sultannyń, jigit Sultannyń as­panǵa qushtarlyǵy, ushqysh bolmaq armany altyn arqaý retinde tartylǵan. Bul arada aspan - bıiktiktiń, asqaqtyqtyń sımvoly. Pre­zıdent ol armanyna da jetken. Elba­sy­myzdyń álem as­panyna Qazaqstan qyranyn qalaı qalyq­tatyp shyǵarǵanyn bul kúnderi búkil dúnıe kórip otyr», - dep jazady basylym.

Búginde Qazaqstandaǵy pre­­zıdenttik saılaýdyń qo­ry­tyn­dy­lary Nur­sul­tan Nazar­baevtyń tany­mal­dy­lyq fenomeni ádi­let­ti nazar aýdar­tatyn sheteldik saıasatkerler men halyq­aralyq sarap­shylar tara­pynan belsendi tal­qy­lanyp jatyr. Bul aspekt al­daǵy jyly óz­derinde memleket bas­shy­syn saılaıtyn biz­diń ja­qyn kórshimiz - reseılikterdi de qyzyq­ty­ra­tyny túsinikti. Barlyq osy kókeıkesti su­raq­tarǵa «Rossııskaıa gaze­­taǵa» bergen suhba­tyn­da Qa­zaqstan Res­pýb­lıkasynyń Mem­­lekettik hat­­­shysy - Syrtqy ister mınıstri Qanat Saýdabaev jan-jaqty jaýap qaıtarady. Suhbattyń qazaqsha tárjimasy el gazeti «Egemen Qazaqstanda» «Qazaqstan jasampaz kóshbasshyny tańdady» degen taqyryppen berilip otyr.

***

«Aıqyn» gazetiniń jazýynsha, azyq-túlik pen qyzmet kórsetýler baǵasy kúnnen-kúnge qymbattap otyrǵanyna qaramastan, Ulttyq bank ınflıatsııa belgilengen dálizden shyqpaıdy dep esepteıdi. Bul jaıynda gazettiń juma kúngi nómirindegi «Inflıatsııa deńgeıi óspeıdi» degen taqyrypta baıandalǵan. Ulttyq bank tóraǵasy Grıgorıı Marchenkonyń baspasóz máslıhatynda aıtqandaryna senetin bolsaq, ınflıatsııa deńgeıi tómendep keledi. «QR Statıstıka jónindegi agenttiktiń resmı derekteri boıynsha, naýryzda ınflıatsııa 0,5 paıyz deńgeıinde qalyptasyp, ótken jyldyń dál osy merzimimen salystyrǵanda tómendedi. Ótken jyly naýryzda ınflıatsııa 0,7 paıyzdy quraǵan bolatyn», - depti ol.

«Keshe Senat qabyrǵasynda eldi eleń etkizerlik jańalyq jarııa etildi: Qazaqstan Taısoıǵan polıgonyn japqaly otyr! Bul jerdi Reseı sonaý Keńes dáýirinde-aq áskerı polıgonǵa aınaldyrǵan, onda Qyzyl Armııanyń aýyr jáne orta zymyrandary synalyp, jarylys kúshi men zardaby baǵamdalǵan kórinedi», - dep jazady «Aıqyn» gazeti. Basylymnyń atap ótýinshe, osy polıgon aýmaǵynan munaıdyń mol keni tabylypty. Buny Munaı jáne gaz mınıstri Saýat myńbaev ta qoshtap otyr. «Taısoıǵan polıgonynda, bizdiń anyqtaǵanymyzdaı, biraz ken oryndarynda munaı tabyldy. Osyǵan baılanysty biz qazir bul máseleni Reseımen kelissózder arqyly sheshýdemiz. Biz munaı tabylǵan jerdi Taısoıǵan polıgonynyń aýmaǵynan shyǵaryp, Reseıge basqa jerlerden polıgon aýmaǵyn qarastyryp beremiz degen oıdamyz», - deıdi mınıstr. Maqala «Qazaqstan Taısoıǵan polıgonyn japqaly otyr» degen taqyryppen berilgen.

***

«Senattyń otyrysy bastalmas buryn Joǵary palata depýtattary jaıǵasa bastaǵan ýaqytta keshegi prezıdenttikten úmitker Ǵanı Qasymov zalǵa kirip, birshama áriptesiniń qoshemetine bólenip qaldy. Saılaýdan beri tek teledıdar men bılbordtan ǵana kórip, saǵynysyp qalsa kerek-ti, bir áriptesi betten «shóp» etkize amandasa, endi bireýleri aıqara qushaqtap, biri arqadan qaqty kandıdatty», - dep jazady «Alash aınasy» gazeti. Osylaı órbigen «Sheteldikterdiń jerdi jalǵa alýyna shekteý qoıylady» degen taqyryptaǵy maqaladan Senat qabyrǵasynda kóterilgen jaıttarmen egjeı-tegjeıli tanys bola alasyzdar.

«Alash aınasy» gazetiniń turaqty «Dat!» aıdarynda Ulttyq ǵarysh agenttigi tóraǵasynyń orynbasary Meıirbek Moldabekovpen aradaǵy suhbat «2013 jyly qazaq ǵaryshkeri ǵaryshqa attana alatyn kezeń bolady deý qıyn» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ol: «Meniń oıymsha, Qazaqstan Respýblıkasy «Baıqońyr» ǵarysh aılaǵyndaǵy barlyq nysannyń menshik ıesi bola otyryp, óziniń ǵarysh salasyn qurýda ǵarysh aılaǵynda qurylǵan qyzmet túrleriniń barlyǵyn jete paıdalanýy qajet. Reseı Qıyr Shyǵysta «Vostochnyı» ǵarysh aılaǵyn salý arqyly ǵaryshtyq baǵdarlamalaryn júzege asyrýda «Baıqońyr» ǵarysh aılaǵynyń rólin qaıta qaraıdy. Osyǵan baılanysty Reseı birtindep «Baıqońyr» ǵarysh aılaǵyn jalǵa alýdan bas tartady», - deıdi.

***

Kúni keshe elimizde ótken saıası dodada aıqyn jeńiske jetken Elbasy Nursultan Nazarbaevtyń atyna memleket, úkimet basshylarynan, halyq­ara­lyq uıym­dar­dyń jetekshilerinen, sondaı-aq elimizdiń barlyq aımaqtarynan saılaýdaǵy jeńisine baı­la­nysty quttyqtaýlarlar legi tolastar emes. Máselen, «Kazahstanskaıa pravda» gazetinde jaryq kórgen Belarýs Respýblıkasynyń Prezıdenti Aleksandr Lýkashenkonyń quttyqtaýynda: «Halyqtyń Sizge kórsetken senimi Qazaq­stan­nyń egemendigi men táýelsizdigin nyǵaıtýǵa, onyń azamattarynyń ál-aýqatyn arttyrýǵa ba­ǵyt­talǵan Sizdiń júrgizip otyrǵan baǵyty­ńyz­dyń durystyǵynyń aıqyn kórinisi bolyp ta­by­la­dy», - delingen. Al Birikken Arab Ámirlikteriniń Prezıdenti Sheıh Halıfa ben Zaıd Ál Nahaıan óz quttyqaýynda N.Nazarbaevtyń arqasynda elimizdiń álemniń jetekshi memleketterimen seriktestik qa­ty­nastar ornatyp, nyǵaıta túskendigin jáne qyz­metiniń barlyq salalarynda zor jetistikterge jetkendigin basa aıtqan.