2013 jyly kásipkerlerge qatysty zańsyz tekseristerdiń sany 10 esege azaıdy - Bas prokýror

ASTANA. 23 jeltoqsan. QazAqparat - 2013 jyly kásipkerlerge qatysty zańsyz tekseristerdiń sany 10 esege azaıdy.

Bul týraly búgin QR Bas prokýrory Ashat Daýylbaev Ulttyq kásipkerler palatasymen ózara áriptestik jónindegi memorandýmǵa qol qoıý kezinde málim etti.

«Bıznes sýbektilerine jasalýy tıis negizsiz josparly tekseristerdiń 2,5 myńnan astamy alynyp tastaldy. Kásipkerlerdiń quqyqtaryna qatysty 997 zańsyz aktiler joıyldy nemese ózgertildi. 13 myńnan astam kásipkerdiń quqyqtary qorǵaldy. Túrli jaýapkershilikterge 1220 tulǵa tartyldy. Sony nátıjesinde bıyl josparǵa zańsyz engizilgen tekseristerdiń sany ótken jylmen salystyrǵanda 10 esege deıin az bolǵan», - dedi A.Daýylbaev.