2013 jyly kásibı qyzmetterine baılanysty 70 jýrnalıske qastandyq jasalyp, óltirildi
ASTANA. 1 qańtar. QazAqparat - Ótken jyly ózderiniń kásibı qyzmeti men jumysyna baılanysty álemde BAQ-tyń kem degende 70 qyzmetkerine qastandyq jasalyp, óltirildi, dep jazady RBK.
Eń kóbi Sırııada azamattyq soǵys taqyrybynda qalam terbep, habar taratqan - 29 jýrnalıst ólim qushty, kelesi orynda Iran (10) jáne Mysyr (6). Sonymen birge, tilshiler úshin qaýipti elder retinde Pákistan, Somalı, Úndistan, Brazılııa, Fılıppın men Reseı ataldy.
Uzaq ýaqyt birinshi ret 2013 jyly bul qara tizimge Meksıka ilikken joq.
«Jýrnalısterdi qorǵaý komıteti» qosymsha túrde jarııalanǵan statıstıkalyq tizimge qosylmaǵan 25 jýrnalıstiń óliminiń jaǵdaıyn zerttep jatyr.
Jalpy alǵanda, 2013 jyly jýrnalısterdiń ólimi 2012 jylmen salystyrǵanda áldeqaıda tómendegen.
