2013 jyly «Halyq stýdentteri» áleýmettik baǵdarlamasynyń aıasynda 11 túlek oqýyn támamdady - Qazaqstan Halyq Banki
ASTANA. 4 qyrkúıek. QazAqparat - Almaty qalasyndaǵy Halyq bankiniń Bas ofısinde basqarma tóraǵasynyń orynbasary Stanıslav Kosobokov pen «Halyq stýdentteri» áleýmettik baǵdarlamasynyń qatysýshylary jáne qazaqstandyq joǵarǵy oqý oryndarynyń bitirýshi stýdentteriniń arasynda kezdesý ótti, dep habarlady «Qazaqstan Halyq Bankiniń» AQ baspasóz qyzmetinen.
Osy baǵdarlamany júzege asyrýdyń arqasynda Qazaqstannyń túrli óńirlerinen qamqorlyqqa alynǵan balalar úıleri men mektep ınternattarynyń tárbıelenýshi túlekteriniń joǵarǵy bilim alýǵa men Halyq banki uıymdastyrǵan K.Abenovtiń ataýly shákirtaqysyn ıelenýge múmkindikteri bar.
Olardyń keıbireýleri Halyq bankiniń ujymyna qosyldy. Tek 2013 jyly «Halyq stýdentteri» jobasynyń aıasynda on bir túlek oqýyn támamdady. Bank basshylyǵymen kezdesýge Ońtústik Qazaqstan, Qaraǵandy jáne Aqtóbe oblystarynan stýdentter keldi.
Bitirýshi stýdentter aldynda sóz sóılegen Stanıslav Kosobokov: «Halyq stýdentteri» áleýmettik jobamyz 2007 jyldan bastaldy. Ótken jyldary biz qamqorlyqqa alǵan balalar úıleri men mektep-ınternattarynyń 31 tárbıelenýshisi joǵarǵy bilim alyp, al 9 túlegi Qazaqstan Halyq bankinde qyzmet etip júrgenderi bizdi óte qýantyp otyr», - dedi.
Ol sondaı-aq jobanyń damýyna toqtala kelip, bıylǵy jyly «Halyq stýdentteri» baǵdarlamasy boıynsha 14 stýdent oqýyn jalǵastyryp, Halyq bankiniń Batys Qazaqstan oblystyq fılıaly qamqorlyqqa alǵan balalar úıiniń bir tárbıelenýshisi ál-Farabı atyndaǵy Qazaq ulttyq ýnıversıtetine oqýǵa túskenin atap ótti.
Óz kezeginde bıylǵy túlekter: Aleksandr Korjenkov, Konstantın Kaparshmıt, Saǵıra Ahmetova jáne Ánýar Jumabaev ózderiniń joǵarǵy oqý oryndaryndaǵy oqýlary jaıly aıtyp berdi. Sondaı-aq aldaǵy jyldardaǵy ózderiniń josparlary týraly sóz qozǵap, Qazaqstan Halyq bankiniń basshylyǵyna oqýǵa jáne aldaǵy ýaqytta Qazaqstandaǵy kóshbasshy qarjy ınstıtýtynda jumys isteýge berilgen múmkindikter úshin alǵystaryn bildirdi.
Qazaqstan Halyq banki 2007 jyldan bastap «Halyq stýdentteri» baǵdarlamasyn júzege asyrý úshin 39 mln. teńgeden astam qarajat bólgen bolatyn.
