2013 jyly Frantsııadaǵy jumyssyzdar sany rekordtyq kórsetkishke jetti

Eldiń eńbek mınıstrliginiń málimetinshe, jumyssyzdyqtyń jyldyq deńgeıiniń ósimi jumyssyzdardyń jalpy sanynyń 5,7% qurady.

Ótken jyldyń jeltoqsan aıynda prezıdent Fransýa Ollandtyń «jaǵdaıdy turaqtandyrý» týraly ýádesine qaramastan, jumyssyzdar sany 10,2 myń adamǵa kóbeıgen bolatyn. Sondaı-aq mınıstrlik jumyssyzdyqtyń tómendeýiniń «oń dınamıkasy» qalyptasyp jatqanyn da aıtty. Bul baǵytta ótken jylǵy kórsetkish 2012 jylmen salystyrǵanda, 283,8 myń adamdy qurap 10 paıyzǵa artty.

Ótken jyldyń sońynda jumyspen qamtý ortalyǵynda 4,89 mln.adam tirkeýde turdy. Jasy 25-ten tómen jumys izdeýshiler sany 2,3 myńǵa azaıyp, 25 myń adamdy quraǵan.

Jalpy, Frantsııadaǵy jumyssyzdyq máselesi búginde ózekti máselelerdiń biri bolyp otyr. Eki mıllıonnan astam adam sońǵy bir jyldyń ishinde eki qolǵa bir kúrek tappaǵan. Onyń ishinde 591 myń adamnyń ortalyqtan jumys kútip otyrǵanyna 3 jyldan asqan, dep habarlaıdy ITAR-TASS.