2013 jyly Facebook negizin qalaýshy Tsýkerbergtiń jalaqysy 1 dollarǵa teń boldy
ASTANA. QazAqparat - Álemge tanymal Facebook áleýmettik jelisiniń negizin qalaýshy Mark Tsýkerbergtiń 2013 jyldaǵy bazalyq jalaqysy 1 AQSh dollaryn ǵana qurady.
Bul jaıynda Baǵaly qaǵazdar men bırjalar boıynsha amerıkandyq komıssııaǵa tapsyrylǵan qujattarda belgilengen, dep jazady sheteldik BAQ.
Eńbekaqynyń bul kólemi 2012 jylmen salystyrǵanda aıtarlyqtaı tómendegen, ıaǵnı sol kezde onyń jalaqysy 503,205 dollardy quraǵan bolatyn.
Alaıda, 29 jasar daryn ıesiniń qarjylyq jaǵdaıyna alańdaýdyń reti joq, sebebi ol álemde eń dáýletti adamdardyń tiziminde 22 orynǵa jaıǵasty.
Sonymen qatar «Sılıkon jazyǵynyń» ózge de ataqtylary ózderine osy tektes jalaqyny taǵaıyndaǵan bolatyn. Máselen, kezinde iPhone negizin qalaýshy Stıv Djobs ózine tap osyndaı eńbekaqy belgilese, sondaı-aq Google negizin qalaýshylar Sergeı Brın men Larrı Peıdjdiń de búgindegi jalaqysy 1 dollarǵa teń.
Búginde Mark Tsýkerbergtiń dáýleti 27 mlrd. dollardan asty. Ol dırektorlar keńesinde 61,6 paıyz deńgeıindegi daýysqa ıe Facebook jelisiniń aktsııalaryn ıemdenip otyr.
