2013 jyly energetıka nysandarynda jáne gaz qubyrlarynda tótenshe jaǵdaılardyń oryn alý múmkinshiligin joqqa shyǵarýǵa bolmaıdy - V.Bojko
ASTANA. 5 qazan. QazAqparat - 2013 jyly energetıka nysandarynda jáne gaz qubyrlarynda tótenshe jaǵdaılardyń oryn alý múmkinshiligin joqqa shyǵarýǵa bolmaıdy.
Bul týraly búgin Tótenshe jaǵdaılardyń aldyn alý jáne joıý jónindegi memlekettik komıssııanyń otyrysynda QR Tótenshe jaǵdaılar mınıstri Vladımır Bojko málim etti.
Onyń sózine qaraǵanda, bul atalǵan nysandardaǵy qural-jabdyqtardyń ábden tozyǵy jetýine baılanysty bolyp otyr.
«Sondyqtan da biz kelesi jyly tótenshe jaǵdaılar oryn alý múmkindigin joqqa shyǵarmaı, aldyn ala boljaýymyz kerek», - dedi ol.
Sonymen qatar mınıstr elimizde jáne shetelde oryn alǵan tótenshe jaǵdaılarǵa júrgizilgen saraptamalar saldaryn joıǵannan góri, aldyn ala eskertken jaqsy degen sózdiń durys ekendigin taǵy bir márte qýattaıtyndyǵyn basa aıtty.
