2013 jyly elimizdiń kólik polıtseıleri 2300-den astam shetel azamatyn ákimshilik jaýapkershilikke tartty
ASTANA. QazAqparat - 2013 jyly asa aýyr qylmystardyń sany 35,4 paıyzǵa tómendep, ashylý deńgeıi 76,5 paıyzdy qurady. Mundaı derekterdi búgin Kóliktegi ІІD bastyǵy, polıtsııa polkovnıgi Berik Bısenqulovtyń tóraǵalyǵymen ótken keńeıtilgen májiliste departament bastyǵynyń birinshi orynbasary, polıtsııa polkovnıgi Sapar Sherııazdanov aıtty.
Onyń málimetterinshe, temirjol kóligi nysandarynda jasalatyn qylmystardyń 53 paıyzyn urlyq quraıdy. Bul jedel qyzmet kórsetý nysandaryndaǵy jolaýshylar tasymaly men júk aýqymynyń aıtarlyqtaı kóbeıýine baılanysty bolyp otyr. «Ótken jyl ishinde krımınaldyq polıtsııa bólinisterimen bótenniń múlkin urlaýdy ashý boıynsha birqatar jumystar atqaryldy. Bul bizge jyldy tabysty aıaqtaýǵa múmkindik berdi», - dep atap ótti polıtsııa polkovnıgi.
Sondaı-aq, 2013 jyly kóshi-qon zańnamalaryn buzǵany úshin 2363 shetel azamaty ákimshilik jaýapkershilikke tartyldy.
Eseptik kezeń ishinde Kóliktegi ІІD aýmaqtyq bólinisterdiń qurylymdyq kúshteri 257 esirtki qylmysyn anyqtady. Kontrabandalyq jolmen esirtki tasymaldaýdyń 21 faktisi tirkeldi. Zańsyz aınalymnan 7 tonna 880 keli esirtki zaty tárkilendi, onyń 20 kelisi - «geroın».
