2013 jyly elimizdegi ekonomıkanyń ósýi qarqyny áldeqaıda turaqty bolýy tıis - Ekonomıka mınıstri
ASTANA. 4 naýryz. QazAqparat - Bizdiń baǵalaýymyzsha, 2013 jyly ekonomıkanyń ósýi qarqyny áldeqaıda turaqty bolýy tıis.
Búgin Májilistegi Úkimet saǵatynda baıandama jasaǵan Ekonomıka jáne bıýdjettik josparlaý mınıstri Erbolat Dosaev osylaı aıtty.
«Keıbir salalarda tómen bazanyń jáne munaı óndirisi kóleminiń kútiletin ósimin eskere otyryp, biz aǵymdaǵy jyly ishki jalpy ónimniń ósimin josparlanǵan alty paıyzdyq deńgeıde kútemiz. Orta merzimdi kezeńge arnalǵan boljam týraly aıtsaq, aldaǵy jyldary ekonomıkanyń naqty ósimi 6 - 7,6 paıyzdyq mólsherde boljanady. Bul jan basyna shaqqandaǵy jalpy ishki ónimniń ósimin 20 myń AQSh dollary kóleminde josparlaýǵa múmkindik beredi», - deıdi mınıstr.
Onyń aıtýynsha, ishki suranystyń artýy JІÓ ósiminiń negizgi kózi bolmaq. Osyny esepke ala otyryp, jylyna orta eseppen 6,5-6,8 paıyz qarqynmen ósetini boljanady.
