2013 jyly elektrondyq úkimet portaly arqyly ótken tólemderdiń somasy 1 mıllıard teńgeden artty

ASTANA. 18 jeltoqsan. QazAqparat - Mıllıard teńgeden asa somadaǵy tólemderdi qazaqstandyqtar aǵymdaǵy jyly elektrondyq úkimet portaly arqyly tóledi, dep habarlaıdy QR Kólik jáne kommýnıkatsııa mınıstrliginiń baspasóz qyzmetinen.

Bul kórsetkish rekordtyq bolyp tabylady: ótken jyl boıy egov.kz arqyly tranzaktsııalardyń somasy shamamen 140 mıllıon teńgeni, al 2011 jyly 19,5 mıllıon teńgeni quraǵan.

Bul rette portal paıdalanýshylary kóbine aıyppuldar jáne ósimderdi tólep otyr. Olardyń úlesine barlyq tólemderdiń 27%-y tıesili. Tanymaldyǵy boıynsha tólem optsııasynyń ekinshisi - kólik salyǵy - tranzaktsııalardyń jalpy sanyna 18% keledi. Úshinshi orynda - jyljymaıtyn múlikke quqyqty jáne onymen mámilelerdi tirkeý úshin alym - tólemniń jalpy somasynyń 15%-y. Shamamen tólemniń 10%-y azamattyq hal-aktilerin tirkeý jáne jeke kýálik qujatyn berý úshin memlekettik baj salyǵyn qurap otyr. Taǵy da paıdalanýshylardyń 7%-y zańdy tulǵany tirkeýge jınaqty ınternet arqyly tóleıdi. Qalǵan bóligi - kommýnaldyq qyzmetter, uıaly baılanys, ár túrli memlekettik alymdar men baj salyqtaryn tóleıdi.

Elektrondyq úkimet portalynyń tólem servısin paıdalaný úshin avtorlandyrylýdan basqa, tek kez kelgen qazaqstandyq banktiń tólem kartasy, shot-ótinimi nemese jeke shottyń bolýy qajettigin esterińizge salamyz.

Qazirgi ýaqytta egov.kz arqyly memlekettik alymdardyń 21, memlekettik baj salyqtarynyń 17 túrlerin, salyqtardyń 4 sanattaryn, jol qozǵalysy erejesin buzǵany úshin aıyppuldardy, sondaı-aq mobıldik baılanystar jáne «Qazaqtelekom» AQ qyzmetterin tóleýge bolady. Portal arqyly kommýnaldyq qyzmetterge onlaın-tólemderdi Almaty, Astana jáne Qyzylorda qalalarynyń turǵyndary tóleı alady.