2013 jyly barlyq aýdandyq vetstansalar men aýyldyq veterınarlyq pýnktter bekitilgen normatıvpen jaraqtanatyn bolady - AShM
ASTANA. 1 qarasha. QazAqparat - 2013 jyly barlyq aýdandyq vetstansalar men aýyldyq veterınarlyq pýnktter bekitilgen normatıvpen jaraqtanatyn bolady.
Bul týraly 2013-2020 jyldarǵa arnalǵan «Agrobıznes-2020» agroónerkásiptik keshendi damytýǵa arnalǵan baǵdarlama jobasy talqylanǵan QR Parlamenti Májilisiniń agrarlyq máseleler jónindegi komıtetiniń keńeıtilgen otyrysynda QR aýyl sharýashylyǵy mınıstri Asyljan Mamytbekov málim etti.
«Aýdandyq vetstansalar men aýyldyq maldárigerlik pýnktterdi jaraqtandyrý normatıvi bekitildi. El boıynsha bul jumysty normatıvke jetkizýge 16,5 mıllıard teńge qajet, onyń 6 mlrd. teńgege jýyǵy kelesi jylǵa josparlanyp otyr, al 2014 jyly barlyq vetstansalar men aýyldyq maldárigerlik pýnktterdi ınsenıratorlarmen jáne mal ólekselerin tasymaldaý tirkemelerimen qamtamasyz etýimiz qajet. Osy normatıv boıynsha negizgi tizim kelesi jyldyń alǵashqy jartysynda qamtamasyz etiledi. Oǵan kólik quraldary, qajetti qural-jabdyqtar, vetpreparattardy saqtaıtyn tońazytqysh kameralary jáne basqa da qajetti quraldar kiredi», - dedi A.Mamytbekov.
