2013 jyly Astanaǵa quny 215 mlrd. teńge turatyn gaz qubyry jobasyn iske asyrý josparlanýda - S. Ahmetov
Bul týraly búgin Astanada «Nur Otan» HDP-nyń QR Parlamenti Májilisindegi fraktsııasynyń keńeıtilgen jınalysynda depýtattardyń saýalyna jaýap berý kezinde QR Premer-Mınıstri Serik Ahmetov málim etti.
«Astanaǵa gaz kerek ekenin biz jaqsy túsinemiz. Endi ony jetkizý qajet»,-dedi Úkimet basshysy.
«Soltústik qubyryna qatysty ıaǵnı «Qartaly-Tobyl-Kókshetaý-Astana» jobasy talqylanyp, Elbasynyń naqty tapsyrmasy berildi. Bul joba boıynsha tehnıkalyq negizdeme bekitildi. Onyń aıasyndaǵy jobanyń quny 215 mlrd. teńge», - dedi S. Ahmetov.
Onyń sózine qaraǵanda, atalǵan gaz qubyrynyń jobasyn júzege asyrýdyń bastalýy shamamen 2013 jylǵa josparlanyp otyr. «Týra merzimin aıta almaımyz. Alaıda, shamamen atalǵan kezeńde bolýy múmkin. Bul joba óziniń tıimdiligin kórsetedi dep úmittenemiz. Biraq ta bul joba áleýmettik ekenin barlyǵy túsinýi tıis», - dedi Premer-Mınıstr.
