2013 jyly Astanada 17-ge tarta kóshe jóndeledi

ASTANA. 18 sáýir. QazAqparat - Kóktem kelisimen Astanada jol-qurylys jumystary bastalady. Bıylǵy jyly qala bıligi qalanyń eski bóligindegi jáne oǵan qosylǵan turǵyn úı alabyndaǵy kóshelerdi jóndeýge basa nazar aýdaryp otyr. Bul týraly astana.kz saıty jazady.

«Osy maýsymda 115 shaqyrym jolǵa jóndeý júrgizip, onyń ishinde 40 shaqyrym joldy jańadan salyp, - 35,6 km jańalap; 17 km jóndeý josparlanýda. Sondaı-aq, turǵyn úı alaptaryna tartylǵan 21,8 km jol bóligi aıaqtalady», - dep habarlaıdy Astana qalasynyń Jolaýshylar kóligi jáne avtomobıl joldary basqarmasy.

Qalanyń eski bóliginde ornalasqan barlyǵy 17-ge tarta kósheni jóndeý josparlanǵan.

2013 jyly «eski qaladaǵy» negizgi úsh kósheni: Esenberlın k-si (Jeńis dańǵylynan Beıbitshilik k-sine deıin), Máskeý (Jeńis dańǵylynan Áýezov k-sine deıin), Jangeldın k-si (Jeńis dańǵylynan Beıbitshilik k-sine deıin) jóndeý kózdelgen.

Sonymen qatar, 4 kóshe qıylysynda jol qozǵalysyn jeńildetý úshin oń jaqqa aınalyp júretin joldar salynady. Olar: Respýblıka dańǵyly - Abaı kóshesi, Respýblıka dańǵ. - Kenesary k-si, Saryarqa dańǵ. - Kenesary k-si jáne Bógenbaı dańǵ. - Ýálıhanov k-si.

Jalpy uzyndyǵy 35 km. kishi kólik aınalma jolynyń qurylysy jalǵasýda. Onyń 17 shaqyrymy salynyp bitti. Bıyl taǵy 6 shaqyrym salynady. Jumysty aldaǵy eki jylda tolyq aıaqtaý josparlanýda. Osy joba aıasynda Beısekova k-si men Qorǵaljyn tas jolyn Tilendıev dańǵylyna deıin jóndeý júzege asyrylady. Bul ýchaskede 360 saıajaı men 800-ge tarta garaj ornalasqan. Qazirgi kezde osy jerde jumystar bastalyp ketti.

Tutastaı alǵanda, Astanada «EHRO-2017» kórmesin ótkizetin ýaqytqa deıin 335 km jol salynatyn bolady. Sondaı-aq, Telman kentinde Esil ózeni arqyly ótetin 2 kópir salynady.