2013 jyly Astana men Almaty qalalarynda 4G uıaly standarty engizile bastaıdy

Bul týraly búgin QR Parlamenti Senatynyń depýtattarymen kezdesý barysynda Baılanys jáne aqparat mınıstri Asqar Jumaǵalıev málim etti.

«2015 jylǵa qaraı búkil respýblıka aýmaǵy telefon baılanysynyń CDMA tehnologııasymen qamtylatyn bolady. Bul rette el aýmaǵynda jalpy sany 900 bazalyq stansa ornatylady. Búgingi kúni elimizdiń barlyq qalalarynda jáne turǵyndar sany 1000-nan asatyn eldi mekenderdiń 85 paıyzynda uıaly baılanys qyzmeti kórsetilip keledi. Bundaı adam sany myńnan asatyn aýyldar 1961 bolsa, 2013 jylǵa qaraı osy sanattaǵy barlyq eldi mekender uıaly baılanys qyzmetimen qamtylady», - deıdi A. Jumaǵalıev.

Sóz arasynda mınıstr uıaly baılanys operatorlary lıtsenzııalyq mindetterine sáıkes 3G standarttaryn engizýdi de oryndap kele jatqanyna toqtalyp ótti. Máselen, bul standart qazirgi tańda Astana men Almaty qalalarynda, oblys ortalyqtarynda qyzmet kórsetýde. Al 2013 jylǵa deıin 50 myń jáne odan da kóp turǵyndary bar qalalardyń bárine osyndaı júıe qyzmet kórsetpek. Al bul standart 2015 jylǵa deıin 10 myń turǵyny bar eldi mekenderde jumys isteıtin bolady. «Memlekettik komıssııa «Qazaqstelekom» AQ-ǵa 4G uıaly standartyn engizý úshin radıojıilik bólý týraly sheshim qabyldady. Atalǵan sheshimge sáıkes, 2013 jyldyń qańtaryna deıin Astana, Almaty qalalary, 2014 jylǵy 1 qańtarǵa deıin oblys ortalyqtary, 2015 jylǵy 1 qańtarǵa deıin turǵyndar sany 50 myńnan asatyn eldi mekender 4G standartyna kóshetin bolady», - dedi A. Jumaǵalıev. Onyń sózine qaraǵanda, 4G 2018 jylǵa taman aýdan ortalyqtaryna, eldi mekenderge de berile bastaıdy.