2013 jyly Almatyda zańsyz aınalymnan 340 myń shólmekten astam alkogoldik ishimdik tárkilendi
ALMATY. 15 qańtar. QazAqparat - Almaty qalasynyń salyq organdary 2013 jyly aktsızdeletin taýarlar bazaryn ákimshilendirýdi júrgizý kezinde zańsyz aınalymnan jalpy quny 147,2 mln. teńgeni quraıtyn 342 800 bótelke alkogoldik taýar alyndy,
dep habarlady qalalyq salyq departamentiniń baspasóz qyzmetinen.
Atalǵan faktiler boıynsha sot sheshimimen 109,3 mln. teńge kóleminde aıyppul salynyp, aktsızdeletin taýar tárkilendi.
Tekseris nátıjesinde bazarlar, saýda qoımalary men sýpermarketterden alkogoldik ónimder alyndy. Salyq tóleýshiler bul taýarlardy tıisti qujatsyz, lıtsenzııasyz, sondaı-aq kúdik týǵyzatyn eseptik-baqylaý markalarymen ótkizgen.
Bul baǵyttaǵy jumystar jalǵasýda.
