2013 jyly álemdegi eń bıik ǵımaratty shamamen 1,9 mln. adam tamashalaǵan
ASTANA. QazAQparat - Álemdegi eń bıik ǵımarat degen atqa ıe Dýbaıdaǵy Býrdj Halıfa munarasyna byltyr 1,87 mıllıon adam barǵan. Bul týraly Emirates ınternet-basylymy habarlady.
Saıttyń jazýynsha, 124-qabattaǵy At the Top baqylaý alańyna barýshylardyń sany 2012 jylmen salystyrǵanda 13 paıyzǵa artqan.
Kelýshilerdiń jartysynan kóbi - týrıster. Solardyń ishinde Germanııa azamattary 23 paıyzdy qurap otyr. Al Ulybrıtanııanyń azamattary - 15 paıyz, Reseı men Úndistan azamattary - 11 paıyzdan.
Býrdj Halıfanyń bıiktigi 830 metr. Onyń qurylysy 5 jyldan astam ýaqytqa sozylyp, 2010 jyly bitken bolatyn. Ǵımaratta qonaq úı, meıramhana, baqylaý alańdary jáne turǵyn jaılar bar.
