2013 jyly 926 bilim berý uıymyna e-learning júıesi engiziledi
ASTANA. 3 tamyz. QazAqparat - 2013 jyly Qazaqstanda 926 bilim berý uıymyn e-learning jobasymen qamtý josparlanǵan, dep habarlaıdy pm.kz saıty úshin QR Bilim jáne ǵylym mınıstrliginiń baspasóz qyzmeti.
«2013 jyly 926 bilim berý uıymyna e-learning júıesi engizý josparlanǵan», - delingen vedomstvonyń habarlamasynda.
Jalpy alǵanda, 2015 jyldyń sońyna deıin 4138 bilim berý uıymdaryna: 2012 jyly - 537, 2013 jyly - 926, 2014 jyly - 1317, 2015 jyly - 1311 mekemege elektrondy oqytý júıesin engizý kózdelgen. Osylaısha, 2016 jylǵa deıin bilim berý uıymdarynyń 50% bilim berý úrdisin e-learning júıesimen oqıtyn bolady. 2020 jylǵa deıin elektrondy oqytý jobasymen 90 paıyzǵa deıingi bilim berý uıymdaryn qamtý josparlanǵan.
Atap ótý kerek, e-learning elektrondy bilim berý júıesine qatysatyn bilim berý uıymdaryn 4-10 s/Mbıt keń kólemdi Internet jelisine qosý qamtamasyz etiledi, oqytýshylardyń kabınetterdegi jumys oryndary men muǵalimder bólmesi jeke kompıýterlik tehnıkamen, ınteraktıvti qondyrǵylarmen jaraqtalady.
Budan basqa, ár mektep pen kolledjde oqýshylar úshin eki: turaqty jáne jyljymaly kompıýterlik synyp, sondaı-aq kitaphanada jumys orny uıymdastyrylady. Oqytýshylar men oqýshylardyń barlyq jumys oryndary, kompıýterler men noýtbýkter ınternetke shyǵatyn bolady.
Joba sheńberinde oqýshylardyń qoldanýy úshin sandyq bilim berý resýrstary qurylady. 2012 jyly mekteptiń 6 páni boıynsha jáne kolledjdiń 8 mamandyǵynyń 38 páni boıynsha 7043 elektrondy resýrs ázirlenedi. Jańa oqý jylynda olardy 2-11 synyp oqýshylary úshin hımııa, matematıka, fızıka, qazaq tili sabaqtaryna engizilý bastalady.
Elektrondy oqytý júıesi jobasy Bilim berýdi damytýdyń memlekettik baǵdarlamasynyń mańyzdy baǵyttarynyń biri, sondyqtan ony júzege asyrý Qazaqstannyń bilim berý júıesin odan ári jańǵyrtýdaǵy mańyzdy qadam bolady.
