2013 jyly 7 myńnan astam áskerı qyzmetshilerdi turǵyn úımen qamtamasyz etý josparlanyp otyr
Áleýmettik Keńes músheleri áskerı qyzmetshilerdi turǵyn úımen qamtamasyz etý sheńberinde Elordadaǵy Shákárim Qudaıberdiuly kóshesiniń boıynda salynyp jatqan jataqhanada boldy.
Jataqhananyń ınfraqurylysyn tanystyrý barysynda Qazaqstan Respýblıkasy Qarýly Kúshteri Áskerlerdi páterlerge ornalastyrý bas basqarmasynyń bastyǵy polkovnık Ildar Gınıatýlın qonaqtardy atalǵan nysannyń qurylysymen ǵana emes, jalpy áskerı qyzmetshilerdi baspanamen qamtamasyz etý máseleleri jóninde qulaǵdar etti.
Qazirgi ýaqytta QR Qorǵanys mınıstrliginiń turǵyn úı qory turǵyn úılerdegi páterler men jataqhanalardaǵy bólmelerdi qosqanda, 20 myńǵa jýyqtaıdy.
Áskerı qyzmetshilerdi baspanamen qamtamasyz etý qurylys, turǵyn úı satyp alý jáne turǵyn úılerdi kúrdeli jóndeýden ótkizý arqyly júrgiziledi. Jyl saıyn barlyǵy 800-den 2000-ǵa deıin áskerı qyzmetshi baspanamen qamtamasyz etiledi.
Áskerlerdi pátermen qamtamasyz etý prıntsıpi «Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasynyń Zańy qabyldanǵan soń túbegeıli ózgeriske tústi. Atalǵan Zań turǵyn úımen qamtamasyz etý jáne baspanany jekeshelendirý tártibin ózgertti.
Endi 2013 jyldyń 1 qańtarynan áskerı ótili 10 jyldan kem áskerı qyzmetshiler úshin turǵyn úımen qamtamasyz etilgen sátke deıin páterdi jalǵa alǵany úshin ótemaqy tólenedi. Qazirgi tańda páterdi jalǵa alǵany úshin beriletin ótemaqyny alý tártbi jeńildetildi, ol úshin bar-joǵy úsh qujat talap etiledi.
Bıyl 7 myńnan astam áskerı qyzmetshini turǵyn úımen qamtamasyz etý josparlanyp otyr. Aldaǵy 2014 jyly bul kórsetkish aıtarlyqtaı óspek, ıaǵnı 10 myńǵa jýyq áskerı qyzmetshi qonystoıyn toılaıdy degen boljam bar.
Qorǵanys mınıstrligi áskerı qyzmetshiler men olardyń otbasy múshelerin turǵyn úımen qamtamasyz etý tujyrymdamasyn ázirledi. Bul qujat boıynsha áskerı qyzmetshilerdiń barlyq sanatyn satyp alý, salý jáne jalǵa alǵany úshin ótemaqy tóleý arqyly turǵyn úımen qamtamasyz etý josparlanǵan.
Atalǵan tujyrymdamany júzege asyrý 2013-2017 jyldar aralyǵynda Qorǵanys mınıstrliginiń áskerı qyzmetshilerin tolyqtaı baspanamen qamtamasyz ete alarlyq 8-9 myń páterdi paıdalanýǵa berýge múmkindik týǵyzady.
«Nur Otan» Halyqtyq-demokratııalyq partııasy fraktsııasynyń janyndaǵy Áleýmettik Keńestiń kóshpeli otyrysy Qorǵanys mınıstrliginde jalǵasty. Májilis depýtattary áskerı qyzmetshilerdi turǵyn úımen qamtamasyz etý máselesine barynsha kóńil bólinip otyrǵanyn, taıaý jyldary áskerı qyzmetshilerdiń baspana máselesi tolyqtaı sheshiletinin atap ótti.