2013 jyly 30 mln. ga aýyl sharýashylyǵy alqabynda túgendeý júrgizildi - Q.Óskenbaev

ASTANA. 14 qarasha. QazAqparat - Qazaqstanda aǵymdaǵy jyly shamamen 30,6 mln. ga aýyl sharýashylyǵy alqabynda túgendeý júrgizildi, dep habarlady óńirlik damý mınıstriniń birinshi orynbasary Qaıyrbek Óskenbaev Primeminister.kz saıtyna bergen eksklıýzıvti suhbatynda.

«Aǵymdaǵy jyly aýyl sharýashylyǵy aınalymyna tartylǵan aýyl sharýashylyǵy alqaptaryn túgendeý boıynsha jumys jalǵasty. Búgingi tańda aýyl sharýashylyǵy baǵytyndaǵy shamamen 30,6 mln. ga jer ınventarızatsııadan ótti», - dedi Q.Óskenbaev.

Birinshi vıtse-mınıstr atap ótkendeı, qazirgi ýaqytta osy jylǵa josparlanǵan túgendeý is júzinde aıaqtaldy.

«Qazirgi ýaqytta oblys ákimdikteri materıaldardy kelisip, naqtylaý júrgizip jatyr, odan keıin aýmaqtyq jer ınspektsııalary sáıkes ákimshilik sharalardy qoldanatyn bolady», - dep tolyqtyrdy ol.

Sondaı-aq, ol aýyl sharýashylyǵy alqaptaryn jyl saıyn túgendeý úshin 400 mln.-ǵa jýyq teńge shyǵyndalady. Tek bıylǵy jyldyń ózinde óńirlerde túgendeýmen 53 aýdan jáne 6 qala qamtylǵan, 80-nen astam aýyldyq okrýg jáne 33 sharýashylyq sýbekti zertteldi.

Belgili bolǵandaı, Elbasynyń tapsyrmasymen 2014 jylǵa deıin 90 mln. ga aýdandaǵy aýyl sharýashylyǵy alqaptaryn túgendeý josparlanǵan.