2013 jyly 12 jyldyq bilim berý baǵdarlamasy boıynsha oqýlyqtar men oqý-ádistemelik keshender ázirlenetin bolady

Bul týraly búgin Bilim jáne ǵylym mınıstrliginde ótken alqa májilisinde atalǵan vedomstvonyń jaýapty hatshysy Bolatbek Ábdirasylov málim etti.

Esterińizge sala keteıik, alqaly jıyn barysynda Memlekte basshysynyń aǵymdaǵy jylǵy «Bolashaqtyń irgesin birge qalaımyz!» atty Joldaýynan týyndaıtyn mindetter talqylanǵan bolatyn.

«Bundaǵy eń mańyzdysy - 12 jyldyq mekteptegi bilim mazmunyn ázirleý. Al 2015 jylǵa qaraı biz máni jaǵynan aıtarlyqtaı jańa jalpyǵa mindetti memlekettik standarttardy ázirleýimiz kerek», - deıdi B. Ábdirasylov. Onyń paıymdaýynsha, 12 jyldyq bilim berýge kóshirýdiń barysynda joǵary synyptardy profıldendirý asa mańyzdy mindet bolyp tabylady. Bul rette profıldi mektepterde 10 synypty bitirýshi oqýshylardyń 60 paıyzy bilimin jalǵastyratyn bolady. Osyǵan baılanysty óńirlerde 160 tirek bilim mektepterin qurý qurý josparlanǵan. Bul mektepter shaǵyn jasaqtalǵan mektepterdegi profıldendirý problemasyn sheshetin bolady. «Sonymen qatar, 2015 jylǵa deıin barlyq óńirlerde respýblıkalyq bıýdjet esebinen 46 arnaýly profıldi mektepter salynady. Al Elbasy Joldaýyna sáıkes, mektepterdiń 12 jyldyq bilim berýge tolyǵymen kóshýi 2020 jylǵa josparlanǵan», - dedi jaýapty hatshy.