2013 jylǵy tamyzda halyqtyń aqshalaı tabystary 56 399 teńgeni qurady
ASTANA. 11 qazan. QazAqparat - 2013 jylǵy tamyzda halyqtyń ortasha jan basyna shaqqandaǵy ataýly aqshalaı tabystary aldyn ala berilgen derekter boıynsha 56399 teńgeni qurap, 2012 jylǵy tıisti kezeńmen salystyrǵanda 7 paıyzǵa artty. Naqty aqshalaı tabystar 1,1 paıyzǵa ósti. Bul týraly búgin QR Statıstıka agenttiginen habarlandy.
2013 jylǵy tamyzda ortasha jan basyna shaqqandaǵy aqshalaı tabystardyń kólemi boıynsha Atyraý oblysy, Almaty jáne Astana qalalary aldyńǵy qatarda, munda osy kórsetkish ortasha respýblıkalyq deńgeıden 2,2-1,8 esege artyq.
- «Bıylǵy tamyzda tabystary eń tómen óńirler qatarynda Ońtústik Qazaqstan, Jambyl jáne Almaty oblystary belgilendi, osy óńirlerde halyqtyń tabys mólsheri respýblıkalyq deńgeıden 62,6 paıyzdan 79,1 paıyzǵa deıin qurady. Sonymen birge, halyqtyń naqty aqshalaı tabystarynyń eń kóp ósý qarqyny Astana qalasynda jáne Mańǵystaý oblysynda belgilendi», - delingen agenttik málimetinde.
- 2013 jylǵy tamyzda óńirler boıynsha ataýly aqshalaı tabystardyń eń joǵary jáne eń tómen mólsherleri arasyndaǵy araqatynas 3,5 eseni qurady (2012 jylǵy tamyzda - 3,7 ese).
