2013 jylǵy sáýirde halyqtyń aqshalaı tabystarynyń ósýi baıqalady.
ASTANA. 12 maýsym. QazAqparat - 2013 jylǵy sáýirde halyqtyń ortasha jan basyna shaqqandaǵy ataýly aqshalaı tabystary aldyn ala berilgen derekter boıynsha 54221 teńgeni qurap, 2012 jylǵy tıisti kezeńmen salystyrǵanda 8,8%-ǵa artty. Bul týraly QR Statıstıka agenttiginen habarlandy.
Naqty aqshalaı tabystar 2,3%-ǵa ósti. 2013 jylǵy sáýirde ortasha jan basyna shaqqandaǵy aqshalaı tabystardyń kólemi boıynsha Atyraý oblysy, Almaty qalasy jáne Mańǵystaý oblysy aldyńǵy qatarda. Munda osy kórsetkish ortasha respýblıkalyq deńgeıden 2,3 -1,8 esege artyq.
2013 jylǵy sáýirde tabystary eń tómen óńirler qatarynda Ońtústik Qazaqstan, Jambyl jáne Almaty oblystary belgilendi, osy óńirlerde halyqtyń tabys mólsheri respýblıkalyq deńgeıden 60,0%-dan 78,8%-ǵa deıin qurady. Sonymen birge, halyqtyń naqty aqshalaı tabystarynyń eń kóp ósý qarqyny Qaraǵandy jáne Almaty oblystarynda belgilendi.
2013 jylǵy sáýirde óńirler boıynsha ataýly aqshalaı tabystardyń eń joǵary jáne eń tómen mólsherleri arasyndaǵy araqatynas 3,9 eseni qurady (2012 jylǵy sáýirde - 3,9 ese).
