2013 jylǵy naýryzda Qazaqstanda 474,3 myń adam jumyssyz boldy
ASTANA. 12 sáýir. QazAqparat - 2013 jylǵy naýryzda (baǵalaý boıynsha) respýblıka ekonomıkasyna 8,6 mln. adam eńbek etti.
Bul týraly QR Statıstıka agenttiginen málim etti.
Ótken jylǵy sáıkes kezeńge qaraǵanda olardyń sany 76,3 myń adamǵa nemese 0,9%-ǵa kóbeıdi. Jaldamaly qyzmetkerlerdiń sany atalǵan kezeńde 5,9 mln. adamdy (jumyspen qamtylǵandardyń jalpy sanynan 69,5%) qurady.
2013 jylǵy naýryzda jumyssyzdar sany, baǵalaý boıynsha 474,3 myń adamdy, jumyssyzdyq deńgeıi 5,3% qurady. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2013 jylǵy naýryz aıynyń sońyna 56,1 myń adam («Jumyspen qamtý baǵdarlamasy-2020» qatysatyndar quramyna engizilgen tulǵalardyń esebinsiz) resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,6%-yn qurady (2012j. naýryzda - 0,7%). 2013 jylǵy naýryzda baǵalaý boıynsha jasyryn jumyssyzdyq deńgeıi ekonomıkalyq turǵydan belsendi halyqtyń 0,5%-yn qurady.
