2013 jylǵy naýryzda halyqtyń aqshalaı tabystarynyń ósýi baıqalady
ASTANA. 14 mamyr. QazAqparat - 2013 jylǵy naýryzda halyqtyń ortasha jan basyna shaqqandaǵy ataýly aqshalaı tabystary aldyn ala berilgen derekter boıynsha 55264 teńgeni qurap, 2012 jylǵy tıisti kezeńmen salystyrǵanda 10,6%-ǵa artty. Naqty aqshalaı tabystar 3,6%-ǵa ósti. Bul týraly QR Statıstıka agenttiginen habarlandy.
2013 jylǵy naýryzda ortasha jan basyna shaqqandaǵy aqshalaı tabystardyń kólemi boıynsha Atyraý oblysy, Almaty qalasy jáne Mańǵystaý oblysy aldyńǵy qatarda. Munda osy kórsetkish ortasha respýblıkalyq deńgeıden 2,3 -1,8 esege artyq.
Bıylǵy naýryzda tabystary eń tómen óńirler qatarynda Ońtústik Qazaqstan, Jambyl jáne Almaty oblystary belgilendi, osy óńirlerde halyqtyń tabys mólsheri respýblıkalyq deńgeıden 59,2%-dan 78,1%-ǵa deıin qurady. Sonymen birge, halyqtyń naqty aqshalaı tabystarynyń eń kóp ósý qarqyny Almaty jáne Qaraǵandy oblystarynda belgilendi.
2013 jylǵy naýryzda óńirler boıynsha ataýly aqshalaı tabystardyń eń joǵary jáne eń tómen mólsherleri arasyndaǵy araqatynas 3,9 eseni qurady (2012 jylǵy naýryzda - 3,9 ese).
