2013 jylǵy mamyrda jasyryn jumyssyzdyq deńgeıi ekonomıkalyq turǵydan belsendi halyqtyń 0,4 paıyzyn qurady
ASTANA. 12 maýsym. QazAqparat - Respýblıka ekonomıkasynda 2013 jylǵy mamyrda (baǵalaý boıynsha) 8,6 mln. adam jumyspen qamtyldy. Ótken jylǵy sáıkes kezeńge qaraǵanda olardyń sany 21,1 myń adamǵa nemese 0,2 paıyzǵa kóbeıdi. Jaldamaly qyzmetkerlerdiń sany atalǵan kezeńde 5,9 mln. adamdy (jumyspen qamtylǵandardyń jalpy sanynan 69,2%) qurady. Bul týraly QR Statıstıka agenttiginen habarlandy.
2013 jylǵy mamyrda jumyssyzdar sany, baǵalaý boıynsha 480,3 myń adamdy, jumyssyzdyq deńgeıi 5,3 paıyzdy qurady. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2013 jylǵy mamyr aıynyń sońyna 66,9 myń adam («Jumyspen qamtý 2020 baǵdarlamasyna» qatysatyndar quramyna engizilgen tulǵalardyń esebinsiz) resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,7 paıyzyn qurady (2012 jylǵy mamyrda - 0,8 paıyz).
2013 jylǵy mamyrda baǵalaý boıynsha jasyryn jumyssyzdyq deńgeıi ekonomıkalyq turǵydan belsendi halyqtyń 0,4 paıyzyn qurady.
