2013 jylǵy mamyrda bir qyzmetkerdiń ortasha aılyq ataýly jalaqysy 106 286 teńgege jetti
ASTANA. 14 maýsym. QazAqparat - 2013 jylǵy mamyrda bir qyzmetkerdiń ortasha aılyq ataýly jalaqysy 106 286 teńgege jetti. Ataýly jalaqy ındeksi 2012 jylǵy mamyrǵa 107,4, al naqty jalaqy ındeksi 101,4 paıyzdy qurady. Bul týraly QR Statıstıka agenttiginiń baspasóz qyzmetinen habarlady.
- Salalyq qurylymda eń úlken jalaqy qarjy jáne saqtandyrý qyzmetinde - 211,8 myń teńge (ortasha respýblıkalyq deńgeıden 2 esege asady), ken óndirý ónerkásibi men karerlerdi qazýda - 204,8 myń teńge (1,9 ese) jáne kásibı, ǵylymı jáne tehnıkalyq qyzmette - 196,3 myń teńge (1,8 ese) kóleminde belgilendi. Eń tómengi jalaqy aýyl, orman jáne balyq sharýashylyǵy qyzmetkerlerinde belgilendi - 58,9 myń teńge. Bul el boıynsha orta kórsetkishten 44,6 paıyzǵa tómen.
- Óńirlik bóliniste eń joǵarǵy jalaqy Atyraý oblysynda belgilendi - 189,6 myń teńge, bul ortasha respýblıkalyq kórsetkishten 1,8 esege asady. Soltústik Qazaqstan oblysynda munyń shamasy 73,2 myń teńgeni qurady, bul el boıynsha ortasha deńgeıden 31,1 paıyzǵa tómen.
