2013 jylǵy qazanda halyqtyń aqshalaı tabystary 55 135 teńgeni qurady
ASTANA. 12 jeltoqsan. QazAqparat - 2013 jylǵy qazanda halyqtyń ortasha jan basyna shaqqandaǵy ataýly aqshalaı tabystary aldyn ala berilgen derekter boıynsha 55135 teńgeni qurap, 2012 jylǵy tıisti kezeńmen salystyrǵanda 5,1%-ǵa artty. Naqty aqshalaı tabystar 0,2%-ǵa ósti. Bul týraly búgin QR Statıstıka agenttiginiń málimetterinde habarlandy.
2013 jylǵy qazanda jan basyna shaqqandaǵy ortasha aqshalaı tabystardyń kólemi boıynsha Atyraý oblysy, Almaty jáne Astana qalalary aldyńǵy qatarda, munda osy kórsetkish ortasha respýblıkalyq deńgeıden 2,2-1,7 esege artyq.
2013 jylǵy qazanda tabystary eń tómen óńirler qatarynda Ońtústik Qazaqstan, Jambyl jáne Almaty oblystary belgilendi, osy óńirlerde halyqtyń tabys mólsheri respýblıkalyq deńgeıden 62,7%-dan 79,9%-ǵa deıin qurady.
Sonymen birge, halyqtyń naqty aqshalaı tabystarynyń eń kóp ósý qarqyny Soltústik Qazaqstan jáne Mańǵystaý oblysynda belgilendi.
2013 jylǵy qazanda óńirler boıynsha ataýly aqshalaı tabystardyń eń joǵary jáne eń tómen mólsherleri arasyndaǵy araqatynas 3,4 eseni qurady (2012 jylǵy qazanda - 3,5 ese).
