2013 jylǵy qańtarǵa deıin iskerlik belsendilik ósedi dep kútilýde
ASTANA. 12 qarasha. QazAqparat - Ónerkásip kásiporyndarynyń basshylary 2012 jyldyń qazanynda ótken aımen salystyrǵanda daıyn ónimge suranystyń ósýin jáne ónerkásip kóleminiń kóbeıýin atap ótti, bul olardyń iskerlik belsendiliginiń ósýin aıǵaqtaıdy. Bul jaıynda búgin QR Statıstıka agenttiginen habarlap otyr.
Іskerlik belsendiliktiń ózgerýin sıpattaıtyn kásipkerliktiń senimdilik ındeksi ótken aımen salystyrǵanda 3 paıyzdyq tarmaqqa ósip, (+13)% qurady. Ónerkásip kásiporyndary basshylarynyń baǵalaýy boıynsha jaqyn arada 2013 jylǵy qańtarǵa deıin iskerlik belsendiliktiń ósýi kútiledi.
2012 jylǵy qazanda ótken aımen salystyrǵanda ekonomıkalyq-qarjy jaǵdaıy jáne taýar qorlarynyń ózgermegeni, saýda kásiporyndary basshylarynyń baǵalaýy boıynsha, olardyń iskerlik belsendiligine áser etti. Kásipkerliktiń senimdilik ındeksi ózgermedi jáne, (+5)% qurady.
2013 jylǵy qańtarǵa deıin aǵymdaǵy ýaqytpen salystyrǵanda, 66% kásiporyn óziniń qarjylyq - sharýashylyq qyzmetiniń ózgerissiz qalýyn, 20% - jaqsarýyn jáne 11% -nasharlaıtyndyǵyn boljap otyr.
