2013 jylǵy qańtar-qyrkúıekte Qazaqstandaǵy bólshek saýda kólemi 12,7 paıyzǵa joǵarylady
ASTANA. 17 qazan. QazAqparat - 2013 jylǵy qańtar-qyrkúıekte bólshek saýda kólemi ótken jylǵy tıisti kezeńmen salystyrǵanda 12,7%-ǵa joǵarylap, 3511,9 mlrd. teńgege jetti. Bul týraly QR Statıstıka agenttiginen habarlandy.
- 2013 jylǵy qańtar-qyrkúıekte saýda kásiporyndary arqyly taýarlardy ótkizý kólemi 1872,2 mlrd. teńgeni qurady nemese 2012 jylǵy qańtar-qyrkúıekke qaraǵanda 18%-ǵa artyq.
- Bılyǵy qańtar-qyrkúıekte bazarlarmen jáne jeke kásipkerlermen saýda kólemi ótken jyldyń tıisti kezeńimen salystyrǵanda 7,2%-ǵa joǵarylady, atalǵan ótkizý arnasynyń úlesi bólshek saýdanyń jalpy kóleminde 46,7%-dy qamtydy.
- Bólshek saýda qurylymynda azyq-túlik emes taýarlar basym (bólshek saýdanyń jalpy kólemine 64,5%). Azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 14,9%-ǵa, azyq-túlik taýarlar - 8,7%-ǵa ulǵaıdy.
Bólshek saýdanyń jalpy kólemindegi asa joǵary úles 2013 jyly qańtar-qyrkúıekte respýblıkada Almaty qalasyna (28,4%), Astana qalasy (10,5%) jáne Qaraǵandy oblysyna (10%) tıesili boldy.
