2013 jylǵy qańtar-qazanda Qazaqstanǵa kelgen adamdar sany 19 myńnan asty
ASTANA. 14 jeltoqsan. QazAqparat - 2013 jylǵy qańtar-qazanda Qazaqstanǵa kelip, tirkelgender 2012 jylǵy sáıkes kezeńmen salystyrǵanda 19,3 paıyzǵa azaıyp, 19 865 adamdy qurady. Bul týraly QR Statıstıka agenttiginiń málimetinde habarlandy.
Sonymen qatar Qazaqstannan ketkender sany da 18,7% azaıyp, 20 571 adamdy qurady.
Elimizdegi negizgi kóshi-qon almasýy TMD memleketterimen bolýda. TMD elderinen kelgenderdiń jáne sol elderge ketkenderdiń úlesi, tıisinshe, 84% jáne 93,4% qurady.Byltyrǵy sáıkes kezeńimen salystyrǵanda qarastyrylyp otyrǵan kezeńde el ishinde kóship-qonýshylar sany 11 106 adamǵa (3,8%) azaıyp, 280 005 adamdy qurady. Óńiraralyq qonys aýdarý boıynsha halyq kóshi-qonynyń oń aıyrmasy elimizdiń 5 óńirinde baıqaldy: Astana (13 642 adam), Almaty qalalarynda (11 913 adam), sondaı-aq Almaty (1 353 adam), Mańǵystaý (948 adam) jáne Pavlodar (126 adam) oblystarynda.
