2013 jylǵy azamattyq avıatsııa salasynyń el ekonomıkasyna qosqan úlesi - 320 mlrd. teńge
ASTANA. QazAqparat - Ótken jyly Qazaqstannyń azamattyq avıatsııa salasynyń el ekonomıkasyna qosqan úlesi 320 mlrd. teńgege jetti.
Bul týraly búgin Úkimettiń selektorlyq rejimdegi otyrysynda QR Kólik jáne kommýnıkatsııa mınıstri Asqar Jumaǵalıev aıtty.
Búginde azamattyq avıatsııa salasynda mınıstrlik tarapynan birqatar jumystar atqarylyp jatqandyǵyn atap ótken ol: «Ótken jyldyń ishinde qazaqstandyq avıakompanııalarmen 5 mln. jolaýshy tasymaldandy. Al respýblıkalyq áýejaılar 10 mıllıonǵa jýyq adamǵa qyzmet kórsetti», - dedi.
Mınıstrdiń atap ótýinshe, joǵaryda atalǵan kórsetkishter 2012 jylmen salystyrǵanda 9 paıyzǵa ósim kórsetken.
«2013 jyly azamattyq avıatsııa salasynyń Qazaqstan ekonomıkasyna qosqan úlesi 320 mlrd. teńgeni quraıdy», - dedi A.Jumaǵalıev.
